Tyskland: Folket tek til gatone mot global finansspekulasjon

Det byrja i Sambandsstatane med “Occupy Wall Street”, men det stogga ikkje der. Aktualisert av euro-krisa hev jamvel tyskarane gjenge mann av huse denne hausten for å protestera mot finansspekulasjon og global røvarkapitalisme.

Då euroen i si tid vart innført, hadde mange tyskarar sett fyre seg at den sams valutaen nær sagt skulde gjera EU til det nye Stor-Tyskland. I staden hender det motsette – det er Tyskland som lyt leggja ut for den økonomiske kollapsen i heile Europa. Og dei einaste som tener på det er finansspekulantar og EU-byråkratar som gnikar seg i hendene av utsiktene etter å setja heile nasjonar under administrasjon.
I Tyskland som i Sambandsstatane var det okkupasjon som stod på programmet – med teltlæger i parken framfor den tyske sentralbanken. Og bankkvartalet i Frankfurt, med sin karakteristiske skyskrapar-skyline, er vel det næraste me europearar kann koma New York og Wall Street.

“Me er dei 99 prosent”, er slagordet åt Occupy-rørsla. Eit slagord som understrikar at det handlar um ei rørsla som representerar den store folkesetnaden, ei grasrotrørsla som korkje stend til høgre eller vinstre i politikken, og som det nett difor kann vera lov å vona kann bjoda røynleg motstand mot ein rotlaus finanselite som i våre dagar undergrev dei europeiske nasjonane og folkestyret.

Massemynstringar, teltlæger framfor sentralbanken og radikal systemkritikk stend på programmet når Occupy Frankfurt aksjonerar.

Artikkelen stod på prent i Målmannen nr 1 2012. Klikk her for å få tilsendt eit gratis prøveeksemplar av bladet!